مخلف ابن دهام الشمري
اهداء من مخلف ابن دهام الشمري إلى الأستاذ كمال الدوخي المحترم
البارحة بالمزرعه طاب لي كيف
وذكرت خل صادق العهد وافي
حر ذكرته صورته بضامري طيف
محفورة وسط الحشا بالخوافي
كمال ابن دوخي ليا صار تصنيف
اسمه بالأول ماعليه اختلافي
اهديه باقة ورد من كل ماشيف
من وسط حايل ورد جوري وصافي
فزاع خذها وغلف الورد تغليف
واكتب كمال القرم فوق الغلافي
سلم وقله بمعرفتك صار تشريف
واقبل هدية والدي يالسنافي
واهده سلامي عد ماهزو السيف
وتعداد ماهز النخل للسعافي
وتعداد مادشو هل الشرق للسيف
وتعد اد ماتغرد طيور الفيافي
وصلاة ربي عد مايرمش الشوف
وتعداد غصن يشرب المي صافي
على الذي اسرى به الرب ماشيف
والسدرة اللي عندها شاف خافي
عليه اسلم وآل بيته بتوصيف
مثل الامام اللي كلامه تحافي
ومثل الحسين اللي رموه الملاقيف
يوم حرموه المي وصار اختلافي
اطلب عسى الله يجمع الشمل ياحيف
كيف أمة الاسلام فيها تجافي
